لعبه البلوت

طريقه اللعب :
أول شي كل شخصين مقابلين لبعض :
مثلا هناك أربع أشخاص اسماؤهم كالتالي :
محمد . أحمد . خالد . فهد
محمد يكون مقابل خالد >> يعني يصير خويه
أحمد يكون مقابل فهد >> يعنيى يصير خويه
يبدا أي واحد بتوزيع الورق وتكون على النحو التالي :
يوزع لكل واحد ثلاث ورق ثمن يوزع ورقتين يعني المجموع خمس ورق أما سؤال لمبه ليش يوزع خمس بس لأقوله هاذي قواعد اللعبه .. ثمن يحط باقي الورق على الأرض وتكون مقلوبه ويسحب ورقه من النص ويحطه فوق الورق ويخليه مكشوفه
المهم هالحين كل معه خمس ورق .. يقول الموزع الأول >> مايقول الموزع الأول ثمن يقول صن ..لا .. يقول الأول ويبدا اللي عقبه .. شرح ثاني
فرضا محمد كان الموزع وزع الورق وقضا .. يقول هالحين الأول طبعا اللي عقبه بيصير ياأحمد يافهد مثلا صار أحمد .. يجي أحمد ويناظر الورق اللي معه تصلح صن ولا حكم
طبعا الصن أكبر شي فيه هو : أكه . عشره . شايب . بنت . ولد . تسعه . ثمانيه . سبعه
والحكم أكبر شي فيه هو : ولد . تسعه . اكه . عشره . شايب . بنت . ثمانيه . سبعه .
طبعا الصن والحكم ينطبق على كل الأوراق سواء كانت :
شيريا : اللي به شجره
ديمن : المعين
هاص :قلب الحب الأحمر
سبيت :قلب الحب الأسود
مثال :
مثلا أحمد اللي ذكرنا قبل شوي مامعه أوراق تأهله أنه يقول صن ولا حكم يقول.. بس.. يروح الدور على اللي بعده اللي هو بالطبع بيصير خالد مثلا خالد كان معه : أكتين وعشره وشايب وثمانيه من نوع الديمن .. وكانت الورقه المكشوفه اللي بالأرض ديمن يقول صن .. أما مثلا كان اللي بالأرض شيريا والأوراق اللي معه ديمن كمان عادي يقول صن وهاذا ماينفع بالحكم وراح نشرحه لاحقا .. ثمن توزع الأوراق على النحو التالي :
خالد ورقتين .. والباقي ثلاث ورق
بتسألونن ليش خالد أخذ ورقتين أنا أقولكم : لأن خالد هو اللي قال صن وبالتالي راح ياخذ الورقه المكشوفه ومعه ورقتين هاذولي صارن ثلاث ورق وكلن متساوي .. ثم يبدا اللعب باللاعب اللي عقب الموزع مهب يجي مثلا خالد ويتلقف ويلعب إلا إذا كان هو اللاعب اللي عقب الموزع ..
طيب مثلا تقولولي إذا صاروا اللاعبين كلهم مامعهم ورق تأهلهم يلعبون صن أو حكم خلاص نقول :
يجي الموزع ويقول .. الثاني .. ويدور الدور مثل أول طيب مافيه أحد قال صن ولا حكم خلاص يعاد التوزيع من جديد ..
طيب حنا عرفنا وشلون نلعب صن طيب وشلون نلعب حكم :
عادي نتبع نفس الخطوات توزع الورق ثمن يقلب الموزع الأوراق على الأرض ويحط ورقه مكشوفه فوقهن نفس الطريقه الأولى :
بس مثلا يوم قال الموزع .. الأول .. يجي خالد اللي هو عقب الموزع وناضر ورقه وشافهن ماينفعن صن وكانت الورقه المكشوفه على الأرض.. تسعه ديمن وكان مع خالد ولد ديمن .. واكه ديمن .. وبنت ديمن .. وثمانيه شيريا .. وسبع سبيت كذا يقول حكم .
خلالص توزع الورق نفس الطريقه الأولى ويصير الدور على خالد اللي هو عقب الموزع .. طبعا خالد هو اللي حكم ..
مثلا خالد لعب ثمانيه شيريا مالعب ورقه من الورق اللي حكم بهن خلاص يصير اللعب صن ..
أما إذا لعب مثلا ولد الديمن وهو أكبر شي بالحكم .. خلاص غصب عليك تلعب ديمن وإذا ماكان معك ديمن تلعب أصغر شي من غير الديمن ..
طبعا أنت تقدر تقطع بالديمن مثال :
خالد لعب بثمانيه الشيريا ولعب فهد بشايب شيريا ولعب محمد بأكه شيريا وأحمد مثلا ماكان معه شيريا وكان معه ديمن يقطع بالديمن لو بأصغر رقم .. وياخذ الأوراق كلهن لأن اللعب حكم
أما بالصن لا

كالعاااده ةة
دمتتت لناا ودااامم تمييييززكك الرووعهه
تسسلم ايدكك ع الجهد المبذوول,,

روعة شكرا..

يعطيك الله الف عافية
مشكوووور